19.09.2009 | 22:00

МИРКО ПОПОВ (Македонија)

Мирко Попов е еден од најактивните македонски ДиЏеи. Кариерата ја започнува во далечната 1993 година, а од 1995 го основа и колективот ПМГ, кој е еден од најважните двигатели на македонската музичка сцена до денес. На отоворањето на МОТ ќе „одработи“ сет со највредните песни за споменување/слушање од 80тите години..

20.09.2009 | 22:00

МЕЛОДРОМ (Словенија)

MELoDROM се основани 1999 година. Групата настанала за потрбата на саундтракот од филмот на Јуриј Меден и иако филмот никогаш не бил снимен, бендот постои до денес во несменета постава. Иницијално бендот е создаден да создава музика за театар и филм и потписници се на музиката во претставата Звиторепка на Алеш Коприч како и повеќе танцувачки претстави режирани од Бара Коленц. Во 2001 достигнуваат до четвртото место на Кросрадио сингл листата. првиот албум наречен MELoDROM го снимаат во 2004та, вториот The Guide 2006та, а последниот Varijacije 2008ма. Нивните настапи во живо се продледени со видео арт, изработено од самите членови на бендот. Вредно е и да се споменат соработките со Laibach/Rammstein – one dich (Mina harker’s version), DJ UMEK, додека пеачката Мина Шпилер гостува на албумот VOLK на Laibach, како во создавањето на албумот така и со настапи во живо.

21.09.2009 | 23:00

COMA STEREO (Словенија)

Coma Stereo се основани во 2003 година во Марибор. Во сегашната постава свират Томаж Куреж (вокал и гитара), Домен Репник (тапани), Сашо Стаматовски (синтисајзер и секвенцер) и Марко Ширец (бас). Нивната музика ја опишуваат како мрачна мешавина од лајв-електроника/амбиент, гитари и моќен бас. Инспирација црпат од постарата СФ-литература и филмови. Во својата кратка историја имаат впишано над 60 концерти во Словенија, Италија, Германија, Холандија и во Англија. Делеле сцена со имиња како Cul de Sac, 31 Knots, Damo Suzuki и Experimental Dental School. Зад себе имаат едно EP - I can programme myself whenever I want to (Marsiglia Records) и албум - Binary Endings (Solar Pulse Music). Оваа година го издадоа албумот Transgalaktika (Solar Pulse Music) кој ќе го промовираат на настапот на МОТ.

21.09.2009 | 22:00

КЛО (Македонија)

КЛО е независна музичка група од Прилеп која постои од 1999 година. Нејзиното јадро го сочинуваат Деан Змејкоски (гитара) и Соња Димитриоска (вокал и флејта), кое подоцна се проширува со Горан Попоски (тапани) и Никола Дрвошанов (бас гитара). Првото неофицијално истоимено издание КЛО го објави во 2004 година. Поддршката од музичкото радио Канал 103 и тогашната, сега веќе непостоечка легендарна музичка продавница и издавачка куќа RekordRekords, беа од особено значење за КЛО. Нивните песни се појавуваат на неколку битни компилации кои ја претставуваат современата македонска музика. Во моментов, КЛО работат на својот прв албум.

22.09.2009 | 22:30

CIRCO EUROPIA (Македонија)

ГРОТЕСКНОТО КАБАРЕ НА РЕАЛНОСТА

            Дами и господа, 21-от век ме затекна во театар. Во секоја смисла на зборот. Во театар како работна, уметничка средина, создавајќи музика за петнаесетина претстави во Македонија, и во театар како општествена и (гео)политичка фарса во која, не по своја волја, беа вовлечени мојот народ и мојата земја, уште еднаш, по не знам кој пат во својата историја, како што беа вовлечени и други мои народи и земји. Апсурди, лаги, интриги, заговори, убиства и војни се менуваа како на филмско платно: едните напишани од големите магови на театарот Молиер, Брехт, Јонеско, Бихнер, а другите од „новокомпонираните Демиурзи“ на „Големата шаховска табла“ и нивните марионетки.

23.09.2009 | 23:00

STUTTGART ON LINE (Србија)

Stuttgart on line е дуо основано во 2006 година. Негуваат енергичен пост панк звук. Во рамките на едицијата Нова српска сцена за која изданија реализираа Нежни далибор, Петрол, Репетитор... ќе реализираат албум во Октомври 2009. До сега имаат настапувано на низа „битни“ фестивали како Егзит, Nisomnia, Art&Music…

24.09.2009 | 22:00

WOODY ALLEN & HANA JAZZ TRIO (Македонија)

Woody Allen & HAna jazz trio се Ана Христова – вокал, Петар Христов – кларинет и сопрано саксофон и Александар Никодиновски – пиано. Репертоарот се движи од jazz стандарди, bossa nova, француски шансони до кабаре музика. На сцената се 3 години, настапуваат по клубови во Скопје и низ Македонија.

25.09.2009 | 23:00

САШКО КОСТОВ (Македонија)

Моментални членови на проектот на Костов се Сашко Костов (вокал, гитара, перкусии и програминг) и Славчо Пеев (бас). Сашко Костов е соло уметник и комплетен автор на својата музика која е комбинација од експериментален, електронски гитарски меланхо-поп.